خديجة
عدد المساهمات : 220
نقاط : 514
السٌّمعَة : 4
تاريخ التسجيل : 26/02/2011
 | موضوع: كيف تحافظين على ميزانية بيتك  الأحد مايو 01, 2011 5:09 am | |
| اولا السلام عليكم ورحمه الله وبركاته
ازبكم يافتوكات قلبي وحشني دايما
انا النهارده اول يوم اكتب في القسم ده بس حبيت اقولكم خلاصه تجاربي في ميزانيه البيت
بعد معاناه كبيره مع التبزير والمصاريف اللي ملهاش اي لازمه
نبتدي كده بسم الله
مبدئيا كده انا اول ماجوزي بيقبض بيدين الفلوس كلها في ايدي
بطلع انا المصاريف الشهريه اللي هيا قسط العربيه وقسط الست اللي بجيب منها اللبس البيتي
ومصاريف جوزي الشخصيه بس هومش بيشرب سجاير يعني بنزين العربيه وقعده الكافيه وكده
المهم بيفضل معايا مصروف البيت
علي جمب كده بشيل 100ج دي اكنها مش موجوده معايا لو احتجتها اخر الشهر اوك بدخلها في بند الادخار عندي وده هتكلم عليه بعدين
الباقي بقه اللي هو المصروف الاساسي
بقسمه علي عدد الاسابيع خمس اسابيع في الشهر وساعات شهور بتبقي اربع اسابيع
المهم بقسمه علي عدد الاسابيع بالظبط واجي بقه عندي اجيب خمس اظرف كل ظرف
ليه مهمه
1- ظرف للطواريء
2-ظرف للمجاملات
3-ظرف للادخار
4-ظرف ملابس ومستلزمات
5- اهم ظرف الصدقه
اوك كده لغايه كده تمام
يبتدي الاسبوع عندي يوم الخميس وده لانه بنزل اشتري طلبات الاسبوع كلها
بجيب كراسه وفي صفحه منها بكتب ايام الاسبوع عررفنها ولا اقولها ههههههههههه
وفي ضهر الصفحه دي بقسمها تاني زي جدول
1-قسم اللحوم
2-قسم الخضروات والفاكهه
3-قسم العطاره
4-قسم البقاله
5-قسم المنظفات
خلاص كده نبتدي الشغل بقي
هاجي علي مصروف الاسبوع بقه احنا اتفقنا اني قسمت المبلغ علي عدد الاسابيع
هشوف ايه محتاجاه لاسبوع كله من كل حاجه اللي لحوم وخضار وفاكهه وعطاره ومنظفات وبقاله
واكتب كل حاجه في الخانه بتاعتها اوك
هاجي الاكل اللاسبوع واكتب كل يوم اعمل ايه وده في جدول ايام الاسبوع فكرينه ههههههههه
كده خلاص انا عرفت هجيب ايه طول الاسبوع وهعمل اكل ايه برضه طول الاسبوع
بنزل بقه يوم الخميس ده اجيب كل الحاجات دي
وبعدين طبعا بظبط نفسي علي الفلوس اللي معايا مفيش تبزير كل حاجه علي اد الاسبوع بالظبط
وبعدين اكيد هيتبقي معايا فلوس مش كتير اوي بس بيتبقي معايا
لو احتجت حاجه في وسط الاسبوع اوك محتجتش خلاص
ينتهي الاسبوع يوم الاربع بالليل الفلوس اللي باقيه معايا من مصروف الاسبوع
بقسمها علي الاظرف مثلا هقول بيتبقي 20ج بقسمها اول حاجه بحط مبلغ في ظرف الصدقه
وده عشان ربنا يبارك لينا في الفلوس
والباقي خمسمه جنيه مثلا في ظرف الملابس
و3ج مثلا في ظرف الادخار وكده يعني لغايه ماكل ظرف في الاظرف يكون في اي مبلغ
خلاص كده بعمل كده كل اسبوع في نهايه الشهر بيقي معايا في كل ظرف مبلغ كويس
وصدقوني ربنا بيبارك
كل ظرف فيهم بيتصرف في مكانه بالنسبه الطواريء لقدر الله عشان لو حد تعب
حد احتاج مننا فلوس سلف
جوزي احتاج فلوس انا كده يعني والمجاملات ده عشان الهدايا والزيارت وكده
والملابس طبعا مش هتبقي كل شهر كل اما يبقي معايا مبلغ كويس انزل اشتري حاجه ليا او لجوزي
والادخار ده بجيب منه الحاجات اللي ناقصه في البيت طبعا برضه مش كل شهر او علي حسب المبلغ
عوزت حاجه جديده في البيت كده يعني
ومنساش المبلغ اللي شيلاه علي جمب من الاول
لو احتجته بخد منه محتجتوش بيتقسم برضه علي الاظرف
وبكده قضيت علي التبزير في حياتي من الاخر دمرته
يارب الموضوع يكون عجبكم وياريت التقيم
بجد تعبت علي منزلته والله
وكمان لسه مفطرتش وعامله رجيم
اللي مش هيقيم
هجيب العصايا واجي اضربه
ههههههههههههههههههههه
منقووووووووووووووووووووووووووول | |
|
